Kaleratze, utzarazpen, desjabetze eta botatze

Erraz nahasten dira hitz hauek, baina adiera desberdina eta berezia dute:

•    kaleratze: despido (lan-arloan, kontratua eten eta lanetik botatzea)
•    desjabetze: expropiación (jabetza kentzea)
•    utzarazpen: desahucio (ebazpen judizialaren bitartez edukitza edo erabilera kentzea)
•    (higiezinetik) botatze: lanzamiento (higiezinaren okupatzaileak fisikoki higiezinetik ateratzea)


ARIKETA: ea azalpena ongi ulertu duzun. Kokatu lau termino hauek dagokien esaldian: kaleratze, desjabetze, botatze, utzarazpen:

Udaltzaingoari edo indar publikoari zuzendutako ofizioa, 1) ……………………………..-eginbidean laguntza ematea eskatzeko (PZLko 675. art.).

Donostiako lan arloko epaitegiak ELAri eman dio arrazoia, Zestoako kale garbitzaileen 2) ……………………………. en inguruan.

Alokairuaren ordainketan atzeratzen direnentzat 3) ………………………….. bizkorra ezarriko duen Lege Proiektua onartu du Gobernuak.

Bergara-Bergara zatiko lurrak 4) …………………………….ko aktak sinatzera deituta zeuden bederatzietarako alkatea eta lurjabeak baina, alkatea udaletxean ez zegoela-eta, bertan behera geratu da ekitaldia.

Erantzuna: 1) botatze 2) kaleratze 3) utzarazpen 4) desjabetze