Ez nahastu “bikote” eta “bikotekide”

Bikote: “biko multzoa edo taldea”

Bikotekide: “bikoteko kide edo osagarri bakoitza”

Bi hitzak desberdinak dira. “Bikote” hitzak bi unitatez osatutako multzoa adierazten du, baina askotan biko multzo horretako kide bakoitzari erreferentzia eginez oker erabiltzen da. Azken kasu horretarako “bikotekide” erabili beharko genuke, edota horren sinonimoa: “bikote-lagun”. Arazoa nondik datorren? Erdarazko “pareja” hitzak bi adiera hartzen ditu, bikotea eta bikoteko kidea.

Son pareja de hecho.

Ha agredido a su pareja.

Euskaraz, ordea, desberdinak dira kontzeptu bakoitzerako hitzak:

Izatezko bikote dira.

Bikotekideari eraso dio.

Beraz, gaztelaniaz hitz berbera erabiltzen bada ere, gogoratu euskaraz “bikote” eta “bikotekide” ditugula, eta bakoitza dagokion lekuan erabili behar direla.

Hona hemen adibide gehiago:

Bikotekide ohi = expareja

Bikotekide ohiak egindako irainak = insultos de expareja

Bikote homosexualak = Parejas homosexuales

            Bikote moduan bizi dira = Conviven como pareja

Pilula guztiak ikusi