2013-03-26

Nola deklinatu siglak?



KEBEZEetik bidalitako komunikazioa
KEBEZEtik bidalitako komunikazioa

Siglak deklinatzerakoan, ez da kontuan hartu behar sigla hori nola idazten den, baizik eta nola irakurtzen den: alegia, irakurketan bokalez ala kontsonantez bukatzen den.

Adibide batzuk:

Doako laguntza juridikoko batzordeek OJZetik etorritako 7.493 espediente aztertu zituzten
Doako laguntza juridikoko batzordeek OJZtik etorritako 7.493 espediente aztertu zituzten

ZULUPtik postaz jasotako idazkiak.
ZULUPetik postaz jasotako idazkiak.


Beste ohar batzuk:

  • Siglak tarteko punturik gabe idazten dira, euskaraz zein erdaraz:
    • E.H.A.A., B.O.E. 
    • EHAA, BOE
  •  Deklinabide atzizkia marratxorik gabe lotzen zaio siglari: 
    • IVAP-ek, EHAA-n, EAE-ko 
    • IVAPek, EHAAn, EAEko  
         Hala ere, arau horrek salbuespen bi ditu:


    • Siglaren azken letra eta atzizkiaren lehenengoa berdinak direnean:
      • BBK-k antolatu du. 
    • Esaldi osoa maiuskulaz idazten denean, sigla eta kasu marka bereizi ahal izateko: 
      • EAE-KO AUZITEGI NAGUSIA
  •   Kontuan izan baita ere, siglek berez ez dutela artikulurik hartzen, izen berezien moduan jokatzen baitira. Hala ere, salbuespenak badira, izen arrunt moduan erabiltzen direnak:

    • Hori da prezioa, BEZa barne 
    • Ez du BEZik ordaintzen 
    • CDa grabatu du  
    • hiesak jota 



Siglen idazkerari buruzko beste pilula hemen duzue kontsultagai. 


 
 
 

iruzkinik ez:

Argitaratu iruzkina

Mila esker zure ekarpenagatik.