Nola izendatu arau-zatiak euskaraz?

Zati letraduna: Letra

Zati zenbakiduna: Zenbaki

Letrarik edo zenbakirik gabea: Paragrafo

 BOEn eta EHAAn era desberdinak erabiltzen dituzte arauetako testu-zatiak izendatzeko, batean apartado izendatzen dutena, bestean párrafo izendatzen baitute, eta alderantziz. Horrek nahasmen ugari ekarri ohi du jatorri desberdineko arauak irakurtzeko orduan baita zalantza askotxo sortu ere, arauak itzultzeko orduan.

Horregatik, arauen itzulpenean arazo horri aurre egiteko, IVAPeko  Itzultzaile Zerbitzu Ofizialak (IZOk) proposamen hau egin du:

• Zatia zenbakiarekin hasten bada (1, 2, 3…), zenbaki izendatu.
•  Zatia letrarekin hasten bada (a, b, c…), letra izendatu.

Dena den, zenbakia edo letra ez duen testu-zati jakin bat izendatzeko bada, paragrafo deitzea gomendatzen da.

Adibide batzuk:

• Beharrezkoa izango da 182. artikuluko 1. zenbakiko a), c) eta d) letretan ezarritako betekizunak betetzea.

• Artikulu honen 2. zenbakiko a) eta d) letretan eskatzen diren agiriak aurkeztu beharko dira.

Pilula honekin lotutako beste bat:

“BOE” euskaraz, nola? 

Pilula guztiak ikusi