2015-07-15

Zigor arloko formularioak eguneratuta

2015-07-15 Auzia Euskaraz!

Zigor arloko formulario sorta bat eguneratu dugu, eta horrez gainera, formulario berri bat ere jarri dugu abokatu eta prokuradoreen eskura. Guztiak justizia.net webgunean eta e-Toolbarrean daude kontsultagai.

Honako hauek dira euskara eta lege aldetik eguneratu ditugun formularioak:
  • 001. Delituarengatik (edo faltarengatik) kaltetutako pertsonaren idatzizko salaketa
  • 004. Delituarengatik kaltetutako edo ofenditutako alderdiaren kereila
  • 014. Inputatuaren, prozesatuaren edo akusatuaren idazkia, abokatua eta prokuradorea izendatzekoa
  • 041. Atxilotuaren ezkontide edo senitartekoaren idazkia, habeas corpus eskatzekoa
  • 042. Defentsaren idazkia, erruztatu edo prozesatuaren behin-behineko askatasuna fidantzarekin eskatzekoa
  • 043. Defentsaren idazkia, erruztatu edo prozesatuaren behin-behineko askatasun fidantza gabea eskatzekoa
 
  • 052. Akusazio partikularraren idazkia, kautelazko neurriak aplika daitezela eskatzekoa
  • 057. Erruztatuaren defentsaren idazkia, dokumentu bidezko eginbidea eta beste inputatuaren deklarazioa proposatzekoa
  • 063. Erruztatuaren defentsaren idazkia, aurretiazko eginbideak artxiba daitezela eskatzekoa
  • 081. Idazkia, sumarioari amaiera emateko autoarekin bat PKLko 627. art.ko instrukzioko izapidea betetzekoa eta ahozko judizioaren hasiera eskatzekoa
  • 084. Akusazio partikularraren idazkia, PKLko 790-1 art.ko eginbide osagarriak eskatzekoa
  • 085. Akusazio partikularraren idazkia, largespena eskatzekoa
  • 088. Akusazio partikularraren idazkia, kalifikaziokoa eta froga proposatzekoa
  • 089. Prozesatuaren (erailketa frustratuaz akusatuaren) defendatzailearen idazkia, kalifikaziokoa eta froga proposatzekoa
  • 091. Defentsaren kalifikazio-idazkia, akusazioarekin ados dagoela adieraztekoa
  • 094. Akusazio-idazkia
  • 095. Defentsa-idazkia
  • 112. Defentsaren idazkia, prozesatze-autoaren aurka erreforma-errekurtsoa eta, modu subsidiarioan, apelaziokoa jartzekoa
  • 113. Defentsaren idazkia, behin-behineko askatasuna ukatzearen aurka erreforma-errekurtsoa eta, modu subsidiarioan, apelaziokoa jartzekoa
  • 143. Akusatuaren defentsaren idazkia, epaia apelatzekoa
  • 144. Akusazio partikularraren idazkia, epaia apelatzekoa
  • 145. Akusatuaren defentsaren idazkia, apelazioa inpugnatzekoa

Horrez gainera,  zigor arloko bilduman txertatu dugun formulario berria hauxe da:
  • 040. Atxilotuaren idazkia, habeas corpus eskatzekoa


Formulario jakinen bat behar baduzu euskaraz eta gure zerrendan ez badago, jakinarazi iezaguzu helbide elektroniko honetara mezua bidalita: epaibi@aju.ej-gv.es 

Azkenik, abokatua edo prokuradorea bazara, eta e-Toolbar tresna informatikoa zure bulegoan izan nahi baduzu, bete eskaera orri hau eta jarriko gara gu zurekin harremanetan.

iruzkinik ez:

Argitaratu iruzkina

Mila esker zure ekarpenagatik.