2017-06-09

Ingurumenaren Mundu Eguna

2017-06-09 Auzia Euskaraz!


Ingurumenaren Mundu Eguna ospatu da aste honen hasieran, ekainaren 5ean, urtero legez. Egun hori 1972an hasi zen ospatzen Stockholmeko Lurraren gailurraren haritik (Nazio Batuen Erakundearen Ingurumenari buruzko 1. konferentzia). Goi-bilera horretako 1. printzipioak hala zioen:

“Gizakiak askatasunerako, berdintasunerako eta bizi-baldintza egokietarako oinarrizko eskubidea du, kalitate giro batean, zeinak bizitza duina izatea eta ongizateaz gozatzea ahalbidetzen dizkion, eta betebehar nagusia du ingurumena babestu eta hobetzea, oraingo eta etorkizuneko belaunaldientzat”.

Agerikoa ematen du gizakiok ingurumenean eragiten dugula. Klima-aldaketa egiazkoa dela etengabe adierazi du bere txostenetan Klima-aldaketari buruzko Gobernuarteko Taldeak (IPCC). Talde hori osatzen duten herrialdeetako 195 zientzilarik espresuki berretsi dute hori.

Parisko Akordioak, Klima-Aldaketari buruzko Nazio Batuen Esparru-Konbentzioaren barruan, berotegi-efektuko gasak murrizteko neurriak ezartzen ditu, eta 2020an da indarrean sartzekoa. Estatu Batuak hil honen hasieran Akordiotik atera direla-eta, Europar Batasunak eta Txinak –biak ere akordio barruan- lidergoa hartzeko parada dute kutsadura murrizte aldera.

Estatu espainiarrera etorrita,  egun izapidetzen ari diren Klima Aldaketaren eta Trantsizio Energetikoaren Legea mugarri izan daiteke energia kutsagarriei agur esan eta energia berriztagarriei bide egiteko.

Iturria: www.abogacia.es

iruzkinik ez:

Argitaratu iruzkina

Mila esker zure ekarpenagatik.