“discriminación directa por razón de sexo” euskaraz, nola?

 

“discriminación directa por razón de sexo” euskaraz, nola?

discriminación directa por razón de sexo > sexuagatiko zuzeneko diskriminazio

 

Modu honetan ere eman daiteke:

·      sexuan oinarritutako zuzeneko diskriminazio

 

DEFINIZIOAK

Honela definitzen du 2020ko Feminismoa eta Berdintasuna Hiztegiak:

·      Pertsona bat egoera berean dagoen beste pertsona bat baino txarrago tratatzea sexua dela-eta edo sexuarekin zuzenean loturik dauden inguruabarrak direla-eta; esaterako, haurdun dagoelako edo ama delako.

ITURRIA: EAEko 4/2005 Legea, otsailaren 18koa, Emakumeen eta Gizonen Berdintasunerakoa.

Halaber, 3/2007 Lege Organikoak, emakumeen eta gizonen berdintasun eragingarrirakoak, emandako definizioaren arabera, hauxe da sexuagatiko zuzeneko diskriminazioa:

·      Antzeko egoera batean, sexuaren ondorioz, pertsona batek, beste batekin alderatuta, tratu ez hain mesedegarria jasatea, jasan izana edo jasateko arriskua izatea.

Bestalde, EMAKUNDEren webgunean jasotakoaren arabera, honako hauek dira sexuagatiko zuzeneko diskriminazioak:

-   Haurduntzari edo amatasunari loturiko emakumeen aurkako tratu oro.

-   Sexu-jazarpena eta sexuagatiko jazarpena.

-   Sexuagatik zuzenean edo zeharka diskriminatzeko agindu oro.

-   Pertsona batek kexa, erreklamazio, salaketa, demanda edo errekurtso bat aurkezten badu haren kontrako diskriminazioa saihesteko eta emakumeen eta gizonen tratu-berdintasunaren printzipioa bete dadin eskatzeko, eta horrek haren aurkako tratua edo ondorioa badakar, hori ere sexuagatiko zuzeneko diskriminazioa da.

 

ITURRIAK

·         Euskalterm

·         EMAKUNDE

·         Epaitegietako lexikoa eta eredu judizialak

·         Epaibar


Pilula guztiak ikusi


iruzkinik ez:

Argitaratu iruzkina

Mila esker zure ekarpenagatik.