Hitzaldi interesgarria Zuzenbide Fakultatean: "Komunikazio Eleaniztuna Auzitegietako Prozeduretan"

2013-11-06 Auzia Euskaraz

Zuzenbide Fakultateko IusKom taldeak bi hitzaldi antolatu ditu azarorako Komunikazio Eleaniztuna Auzitegietako Prozeduretan izenburupean. 

Azaroaren 18an, EpaiBi-ri -Justizia Administrazioko Hizkuntza Normalkuntza taldea- eta Auzia Euskaraz proiektuari buruzko azalpenak jasoko dituzte bertaratuek; azaroaren 26an, berriz, 2010/64/UE zuzentarauak interpretaritzaren alorrean dakartzan aldaketak izango dira mintzagai. 

EHUren Donostiako Zuzenbide Fakultateko batzar aretoan izango dira hitzaldiak, eta aldi berean, bideokonferentzia bidez, Leioan ere ikusi ahalko dira.