Herritarrek lege, dekretu, agindu eta proiektuetan on line parte hartzeko aukera

Uztail amaieran jarri zuen abian Eusko Jaurlaritzak herritarren parte hartzea sustatzeko kanal berria. Ordutik aurrera, testu arauemaileei alegazioak, oharrak edo ekarpenak egin nahi dizkion edozeinek horretarako aukera dauka Eusko Jaurlaritzako webgune ofizialean (www.euskadi.eus), Egoitza Elektronikoa atalean.

Xedapen arauemaile bati alegazioak egiteko epea zabaltzen denean, Egoitza Elektronikoko Iragarki Oholean argitaratuko da. Hortik aurrera, alegazioak erregistratu nahi dituenak horretarako aukera izango du. Izapidearen jarraipena ere egin ahal izango da internet bidez.