Euskaraldia bukatu da! Eta hemendik aurrera, zer?

Euskararen Nazioarteko egunarekin batera bukatu zen Euskaraldia atzo.

Gaurtik aurrera, hamabigarren egunetik aurrera,  euskaraldian parte hartu dugun 220.000 lagunok txaparik gabe jarraituko dugu euskaraz, hamaika egunotan lortutakoari eusten. 

Justizia Administrazioko langileek ere parte hartu dute: gure bitartez izena emandako 91 langileri banatu genizkien txapak eta beste asko eta askok euren herrietan emanda zuten izena. 

Eskerrik asko euskaraldian parte hartu duzuen guztioi eta zorionak hizkuntza ohiturak euskararen alde iraultzea lortu duzuenoi! 

 

Justizian ere bagoaz aurrera poliki-poliki: atzotik, Erregistro Zibil guztiek elebietan lan egiteko Epaibar tresna eskura dute jada intraneteko aplikazioak ataletik. Horren inguruko informazioa intraneteko albiste honetan (langileentzat soilik)